14 November 2013

 Baba mzazi wa marehemu Kassim, Mzee said Athumani Mboya, miaka 60, akiongea na mwandishi wa habari wa blog ya Mbeya Yetu kabla ya kuuchukua mwili wa Kassim.
Mwili wa marehemu Kassim kabla ya kuanza safari ya kurudi Dar
Mmoja wa maafisa wa polisi akiandika maelezo mafupi kutoka kwa mzazi wa Kassim kabla ya kukabidhiwa mwili huo na jeshi la polisi
Baba mzazi wa marehemu Kassim Mzee Said Athumani Mboya (mwenye koti jeusi) akiwa amebeba mwili wa mwanae huku akisaidiwa na baadhi ya ndugu waliofika kumsaidia mzee huyo.
Mwili wa marehemu Kassim ukiwa umepakiwa kwenye gari tayari kwa safari ya Dar

MNAMO TAREHE 11.11.2013 MAJIRA YA  SAA 14:10HRS HUKO KATIKA CHUMBA CHA KUHIFADHIA MAITI KATIKA HOSPITALI YA  RUFAA MBEYA JIJI NA MKOA WA MBEYA. JESHI LA POLISI LILIWAKABIDHI MWILI WA MAREHEMU KASSIM  SAIDI MBOYA NDUGU ZAKE WAWILI AMBAO NI BABA MZAZI WA MAREHEMU AITWAE SAID  ATHUMANI MBOYA, MIAKA 60, MPOGORO, MKULIMA, MKAZI WA MWANANYAMALA – MCHANGANI – DSM NA MDOGO WAKE NA MAREHEMUAITWAE HASSAN SAID MBOYA, MIAKA 28, MPOGORO, TINGO KAMPUNI YA MOHAMED ENTERPRISES DSM, MKAZI WA MWANANYAMALA MCHANGANI –DSM.

BAADA YA UTAMBUZI NDUGU HAO WA MAREHEMU WAMEMUELEZEA MAREHEMU NDUGU YAO KUWA  ALIKUWA  ANAITWA KASSIM  SAIDI MBOYA, MIAKA 36, MPOGORO, MKULIMA, MKAZI WA MWANANYAMALA-MCHANGANI –DSM.

AWALI MNAMO TAREHE 07.11.2013 MAJIRA YA SAA 11: 00HRS HUKO KATIKAHOSPITALI YA WILAYA YA KYELA MKOA WA MBEYA. KASSIM  SAIDI MBOYA, ALIFARIKI DUNIA AKIWA KATIKA TARATIBU ZA KUPATIWA MATIBABU HOSPITALINI HAPO.

MAREHEMU ALIKUWA ANASAFIRI KUTOKA DSM KUELEKEA LILONGWE NCHINIMALAWI AKIWA KATIKAM BASI LA TAQWA LENYE NAMBA ZA USAJIRI T.319 BLZ AINA YA NISSAN AKIWA NA HATI YA KUSAFIRIA NAMBA – AB 051010 PIA AKIWA NA BEGI DOGO LENYE SURUALI MOJA AINA YA JEANS, T-SHIRT MOJA NYEUSI, RABA JOZI MOJA RANGI NYEKUNDU, MKATE MMOJA, MKOBA MDOGO WA KIUNONI, VACCINATION CARD MBILI ZA KINGA YA UGONJWA WA MANJANO, RAND MBILI SARAFU ZA AFRIKA YA KUSINI NA MIFUKO SITA [06] YA RAMBO RANGI NYEUSI.

BASI HILO BAADA YA  KUFIKA MPAKANI KASUMULU NA ABIRIA KUSHUKA KUTOKA KWENYE GARI HILO NA KUANZA KUFANYA TARATIBU ZA  KUVUKA MPAKA KUINGIA NCHINI MALAWI, MAREHEMU ALIBAKI NDANI YA GARI HUKU HALI YAKE YA  KIAFYA IKIZIDI KUDHOOFIKA.

WAHUSIKA WA GARI WALITOA TAARIFA KITUO CHA POLISI AMBAPO MAREHEMU ALICHUKULIWA NA KUKIMBIZWA HOSPITALI YA  WILAYA YA  KYELA KWA MATIBABU. HATA HIVYO KABLA HAJAPATA MATIBABU ALIFARIKI DUNIA.

MWILI WA MAREHEMU ULISAFIRISHWA HADI HOSPITALI YA  RUFAA MBEYA NA KUFANYIWA UPASUAJI AMBAPO ZILIPATIKANA PIPI 65 ZA DAWA ZIDHANIWAZO KUWA ZA KULEVYA ZIKIWA TUMBONI KWA MAREHEMU NA MOJA KATI YA  PIPI HIZO IKIWA IMEPASUKA,  PIPI HIZO ZINA UZITO WA KILO 1 NA GRAM 140. TARATIBU ZINAFANYWA ILI DAWA HIZO ZIPELEKWE OFISI YA  MKEMIA MKUU WA SERIKALI KWA UCHUNGUZI WA KITAALAM IKIWA NI PAMOJA NA KUJUA AINA YA MADAWA HAYO.

KAMANDA WA POLISI  MKOA WA MBEYA  KAMISHNA MSAIDIZI WA POLISI DIWANI ATHUMANI  ANATOA  WITO KWA JAMII KUACHA TABIA YA  KUJIHUSISHA NA BIASHARA YA DAWA ZA KULEVYA KWANI NI  KINYUME CHA SHERIA, NI HATARI KWA AFYA YA  MTUMIAJI PIA INAPUNGUZA NGUVU KAZI YA TAIFA.


Signed by:

[DIWANI ATHUMANI- ACP]

KAMANDA WA POLISI MKOA WA MBEYA.

Picha na habari kwa hisani ya Mbeya yetu
Reactions:

0 comments:

Post a Comment

Subscribe to RSS Feed Follow me on Twitter!